பெர்ன் நகரின் சின்னமான Zytglogge கடிகாரம் பழுது பார்க்க கழற்றப்படுகிறது
சுவிஸ் கடிகாரங்கள் என்றென்றும் நீடிக்கும்படி உருவாக்கப்பட்டு இருக்கலாம், ஆனால் அதற்கும் அவ்வப்போது உதவி தேவைப்படுகிறது.
கடந்த திங்கட்கிழமையன்று சுவிட்சர்லாந்தின் தலை சிறந்த சுற்றுலா சின்னங்களின் ஒன்றான பெர்ன் நகரின் புகழ்பெற்ற Zytglogge கடிகாரம், அல்லது 'டைம் பெல்' கடிகாரம், பழுதுபார்க்க எடுத்துச் செல்லப்பட்டது.
திங்களன்று சுவிஸ் தலைநகரில் உள்ள தொழிலாளர்கள் இந்த பாரம்பரியம் மிக்க 800 வயதான கடிகாரத்தை சுமார் ஒரு மணி நேரம் செலவழித்து கழற்றினர். இது யுனெஸ்கோ-பட்டியலிடப்பட்ட பழைய நகரத்தின் மிக முக்கிய அம்சம் என்பது குறிப்பிடத்தக்கது.
காலத்தின் தேவனான குரோனோஸ் கூட விட்டுவைக்கப்படவில்லை. குரோனோஸ், கோழி, சிங்கம், கவசம் மற்றும் ஏழு கரடிகள் உள்ளிட்ட வடிவங்கள் அனைத்தும் புதுப்பிக்கப்பட உள்ளன.
இதற்கிடையில், 1405 இல் இருந்து இங்கு இருக்கும் Zytglogge இன் astrolabe, புதுப்பிக்கப்படுவதற்கு முன் பழுதுபார்க்கப்படும்.
புதுப்பித்தல் பணி மாதக்கணக்கில் நடைபெறும் என எதிர்பார்க்கப்படுகிறது, அதே சமயம் கடிகாரம் மட்டும் ஜூன் மாதத்தில் அதன் முழு மகிமையுடன் மீண்டும் பொருத்தப்படும் என எதிர்பார்க்கப்படுகிறது. Zytglogge உடன் புகைப்படம் எடுக்க விரும்பும் சுற்றுலா பயணிகள் நம்பிக்கையுடன் இருக்க வேண்டும். அடுத்த வாரம், Zytglogge இன் ஒரு மிகப்பெரிய புகைப்படம் தளத்தின் சாரக்கட்டில் வைக்கப்படும்.
