சுவிட்சர்லாந்தில் இறைச்சி விற்பனை வீழ்ச்சி..!

சுவிட்சர்லாந்தில் 2017 ஆம் ஆண்டில் அதற்கு முந்தைய ஆண்டு விற்கப்பட்ட இறைச்சியின் அளவை விட குறைவான இறைச்சியே விற்கப்பட்டுள்ளது. இருப்பினும், ஒரு சராசரி சுவிஸ்வாசி வருடம் முழுவதற்கும் 26 கிலோகிராம் இறைச்சியை உட்கொண்டு இருக்கிறார்.

உள்நாட்டு மற்றும் இறக்குமதி செய்யப்பட்ட இறைச்சி விற்பனை 0.7% சரிந்து 221,468 டன்னாக வீழ்ச்சியுற்றது என மத்திய வேளான் அலுவலகம் தெரிவித்துள்ளது. விற்றுமுதல் 0.7% சரிந்து CHF4.64 பில்லியன் ($ 4.95 பில்லியன்) ஆக இருந்தது.

கோழி மற்றும் சாசேஜ்கள் மட்டுமே இதன் போக்கில் தாக்குப்பிடித்தன, குறிப்பாக கோழி தொடைகள், நக்கெட்ஸ், கபாப்ஸ் மற்றும் frankfurters. பன்றி இறைச்சி மற்றும் கன்றிறைச்சி - 90% க்கும் அதிகமாக சுவிட்சர்லாந்தில் உற்பத்தி செய்யப்பட்டவை - ஆகிய இரண்டும் கடும் இழப்புக்களைக் காண நேரிட்டன.

பன்றி இறைச்சியின் விலை குறைந்ததால் அதன் விற்பனை வீழ்ச்சியடைந்துள்ளது, குறிப்பாக சாப்ஸ், ஸ்டீக்ஸ், ஃபில்லெட் மற்றும் "கெஸ்நெட்செல்டீஸ்" (துண்டாக்கப்பட்ட இறைச்சி) போன்ற பிரபல இறைச்சி வகைகளுக்கு. கன்றிறைச்சி விற்பனை குறைந்ததற்கு அதன் குறைந்த உற்பத்தியே காரணம் என வேளாண் அலுவலகம் கூறியுள்ளது.

அனைத்து வகை இறைச்சியும் கிலோ ஒன்றுக்கு CHF 20.95 எனும் சராசரி விலையில் இருந்த நிலையிலும், வாடிக்கையாளர்கள் 2016 ஆம் ஆண்டு விலையே செலுத்தியுள்ளனர். புதிய இறைச்சி சற்று மலிவாக இருந்த நிலையில், பதப்படுத்தப்பட்ட இறைச்சி சற்று அதிக விலையில் இருந்தது.